Амарбаясгалант хийд
Temples & Monasteries

Амарбаясгалант хийд

location_on Сэлэнгэ аймаг hiking Easy

zoom_in Click image to enlarge

Амарбаясгалант хийд нь XVIII зууны эхэн үеийн Монголын уран барилгын гайхамшигт бүтээл бөгөөд Анхдугаар Богд Өндөр гэгээн Занабазарын дурсгалд зориулж Манж Чин улсын найрамдал болон шашны соёлыг баталгаажуулан 1727-1736 оны хооронд босгосон, Ивэн голын хөндийд орших Буддын шашны томоохон төв юм.

wb_sunny Best Time June to August
hiking Difficulty Easy


Сэлэнгэ аймгийн Бүрэнхаан уулын өвөрт, Ивэн голын эхэнд оршдог. Анхдугаар Богд Г.Занабазарын үйлс, эрдэм билгийг дээдэлж, түүнд зориулан бариулахаар 1725 онд Манжийн Энх-Амгалан хаан зарлиг гаргаж, улсын сангаас 10 түмэн лан мөнгө гаргажээ. Монгол уран дархчууд, мужаанууд 1726-1737 оны хооронд барьж байгуулсан. Газар шинжиж явсан лам нар чулуугаар гэр барин тоглож байсан Амар, Баясгалант нэртэй хүү, охин хоёртой тааралдсанаар ийнхүү нэрлэжээ.

50 гаруй дуган, 10 дацан, 6000 гаруй лам хуврагтай шашны их орон байв. 175 х 207 метр хэрмэн дотор байсан 40 гаруй сүм дуганаас өдгөө Цогчин дуган, Лаврин сүм, Янпай хаалга, Шар өргөө зэрэг 28 барилга үлджээ.

32 х 32 метр талбайтай, 2 давхар уг уран барилгын гол 4 багана нь дээвэр дээрх бороо, цасны усыг гадагш зайлуулах голоороо ховилтой хийгдсэн архитектурын өвөрмөц шийдэлтэй.

Тус хийдэд Өндөр гэгээн Занабазарын бүддэн, III, IV Богдын шарил хадгалагдаж байснаас гадна эртний шинжлэх ухаан, гүн ухааны мэдлэгийг агуулсан 1628 оны Ганжуурын 108 боть, Данжуурын 226 ботийн Монгол эх хадгалагддаг.

Жил бүрийн 8 дугаар сард есөн эрдэнэ, ховор ургамал оролцуулан нарийн дэг жаягаар бүтээдэг "баяжихын бумба" буюу Гонгорын бумбыг тахих хурал болдог. Хаан нэгэнт ам алдаж зөвшөөрсөн тул буцахгүй гэсэн домогт үгнээс нэрлэгдсэн том суварга хийдийн дэргэд бий. Суваргыг тойруулан Г.Занабазарын "Соёмбо" тэмдэг бүхий 108 хүрдийг залжээ. Суваргын ард 108 шат бүхий толгой дээр Богд Зонхов болон түүний хоёр шавийн 13 метр өндөр сэргэг дүрийг бүтээж залсан байдаг.

 

АЯЛАГЧДАД ӨГӨХ ЗӨВЛӨГӨӨ

  • Дархан хотоос таксигаар 70 км — 1.5 цагийн зам. Дарханд хоноод очих нь тохиромжтой

  • Хийдийн дэргэдэх жижиг зочид буудал байгаа тул 1 шөнийн аялал болгож болно

  • Өглөөний залбирал (маань унших) хамгийн сүрлэг үзэгдэл — 07:00–09:00 цагт ирэхийг зөвлөнө

  • Фото авахаас өмнө ламаас зөвшөөрөл авах — зарим сүмд фото хориотой

  • 7 дугаар сарын Цам ёслолын үеэр очвол бүр тусгай туршлага болно

 


map Location on Map

open_in_new Open in Google Maps

Explore More

Similar Destinations

Khamar Monastery Moderate

Khamar Monastery

location_onДорноговь аймаг

Khamar Monastery is located approximately 45 kilometers south of Sainshand, the capital of Dornogovi Province. It is one of the most significant religious, cultural, and artistic centers of 19th-century Mongolia, founded in 1820 by Dulduityn Danzanravjaa, the Fifth Noyon Khutagt of the Gobi and a great Mongolian enlightener, poet, and cultural figure. Дорноговь аймгийн Сайшанд хотоос урагш 45 км зайд орших Хамрын хийд нь XIX зууны Монголын соён гэгээрүүлэгч, говийн тавдугаар Ноён хутагт Дулдуйтын Данзанравжаагийн 1820 онд байгуулсан шашин, соёл, урлагийн томоохон төв юм. Энэхүү газар нь дэлхийн энергийн төв буюу "Шамбалын орон" хэмээн алдаршсан бөгөөд жилд олон мянган жуулчин, сүсэгтэн олны зорин очдог ариун дагшин газар билээ.

Explore arrow_forward
Төвхөн хийд Moderate

Төвхөн хийд

location_onАрхангай аймаг

Өвөрхангай болон Архангай аймгийн зааг дээр, Хангайн нурууны Шивээт Улаан хэмээх сүрлэг уулын оройд орших Төвхөн хийд нь Монголын шашин, соёл, урлагийн сод бүтээлч, Анхдугаар Богд Жавзандамба хутагт Г.Занабазарын байгуулсан түүхэн дурсгалт газар юм.

Explore arrow_forward
Аръяабалын сүм (бясалгалын төв) Easy

Аръяабалын сүм (бясалгалын төв)

location_onУлаанбаатар хот Налайх дүүрэг

Төв аймгийн Эрдэнэ сумын нутаг, Горхи-Тэрэлжийн байгалийн цогцолбор газрын үзэсгэлэнт нэгэн хадны энгэрт байрлах Аръяабал (Аръяабалын бясалгалын төв) нь сүсэг бишрэл, байгалийн гоо үзэсгэлэн хосолсон гайхалтай газар юм.

Explore arrow_forward

Ready to Visit Амарбаясгалант хийд?

Our experts will craft the perfect itinerary tailored to you.

Tailor My Trip Talk to an Expert