Горхи-Тэрэлжийн байгалийн цогцолбор
zoom_in Click image to enlarge
Хэнтийн нурууны өмнөд салбар уулс, хадан тогтоц, ой мод, гол мөрөн хосолсон Горхи-Тэрэлжийн байгалийн цогцолбор газар нь Улаанбаатар хоттой хамгийн ойр орших аялал жуулчлалын гол бүс нутаг юм.
Горхи Тэрэлжийн байгалийн цогцолбор газар нь Улаанбаатараас зүүн тийш 50-76 км зайд орших Бага Хэнтийн нурууны өмнөд салбар уулс, Туул голын эх, Заан-Тэрэлж голын сав нутгийг хамарсан хад асга бүхий өвөрмөц тогтоцтой үзэсгэлэнт бүс юм.
Далайн түвшнөөс дээш 2664 метр өндөр Авхаан уул нь энэ нутгийн хамгийн өндөр цэг бөгөөд боржин, цахиурлаг занар зэрэг хурдсаас тогтсон эрсдүү хажуутай уулс, голын хөндийнүүд хосолсон тус газар нь ургамал, амьтны аймгаар нэн баялаг төдийгүй 1960 он хүртэл усан болон утаат болор олборлож байсан түүхтэй. Өдгөө аялал жуулчлалын 100 гаруй бааз, амралтын газрууд үйл ажиллагаа явуулдаг тус бүс нутагт байгаль эхийн бүтээсэн Мэлхий хад, Тэмээн хад, Гурван найзын агуй зэрэг олон өвөрмөц хэлбэртэй хаднууд байдгаас 24 метр өндөр "Мэлхий хад" нь эрт урьд цагт баатар нөхрөөсөө зугталгүй эд хөрөнгөндөө хоргодон амь үрэгдсэн эхнэрийн алт, мөнгөн зоос хадны завсарт хадгалагдан үлдсэн гэх түүхтэй холбоотойгоор "Мөнгөт хад" хэмээн нэрлэгдэж байсан домогтой.
АЯЛАГЧДАД ӨГӨХ ЗӨВЛӨГӨӨ
Гэрэл зураг: Арияабал хийдийн талбайгаас наран жаргах үеэр хөндийг бүхэлд нь зураглах, эсвэл Мэлхий хадыг ойроос болон алсаас (Зүүн баяны талаас) авах нь хамгийн тохиромжтой.
Хувцас хэрэглэл: Уулархаг бүс тул цаг агаар хурдан өөрчлөгддөг. Нартай байсан ч оройдоо сэрүүсдэг тул дулаан хувцас, уулын гуталтай явахыг зөвлөж байна.
Ойр орчим: Тэрэлж орох замдаа "Гүүний айраг" уух, Цонжин болдог (Чингис хааны морьт хөшөө) болон "XIII зуун" цогцолбороор дайрч аяллаа илүү баялаг болгох боломжтой.
Explore More
Similar Destinations
Challenging
Жаргалант хайрхан уул
location_onХовд аймагЖаргалант хайрхан уул Ховд аймгийн Манхан сумаас зүүн хойд зүгт, Хар-Ус нуурын зүүн урд талд буюу Хар-Ус нуурын байгалийн цогцолборт газарт орших далайн түвшнээс дээш 3796 м өндөрт өргөгдсөн хайрхан юм.d northeast of Manhan Soum in Khovd Province and southeast of Khar-Us Lake, within the Khar-Us Lake Protected Area.
Explore arrow_forward
Moderate
Хар Ямаат
location_onХэнтий аймаг, Сүхбаатар аймагХар Ямаат нь Монголын зүүн хэсэгт, Хэнтий аймаг-ийн Баян-Овоо сум-ын зүүн өмнөд болон Сүхбаатар аймаг-ийн Түмэнцогт сум-ын баруун хойд хэсгийн заагт оршдог. Тус нутгийн хамгийн өндөр цэг нь далайн түвшнээс 1,358 метрийн өндөрт өргөгдсөн Түмэнцогт уул юм. Дархан цаазат газрын бүрэлдэхүүнд хойд хэсгийн багахан ойтой Дулааны уул, төв хэсгийн Хар Ямаат уул, өмнөд хэсгийн Түмэнцогт уул зэрэг уулс багтдаг. Эдгээр уулс нь Монголын тал хээрийн бүсэд ховор тохиолдох өвөрмөц геологийн тогтоцоороо онцлогтой.
Explore arrow_forward
Moderate
Ачит нуур
location_onБаян-Өлгий аймаг, Увс аймагАчит нуур нь Цэнгэлхайрхан уулс болон Түргэний нуруу-ны мөнх цас, мөсөн голоос эх авдаг Цагааннуурын гол, Хатуугийн гол, Бөхмөрөн гол, Улиастайн гол зэрэг олон гол, горхиор тэжээгддэг. Нуурын илүүдэл ус нь Усан хоолой гол хэмээх цорын ганц урсацаар гадагшилж, улмаар Ховд гол-д цутгадаг.
Explore arrow_forwardReady to Visit Горхи-Тэрэлжийн байгалийн цогцолбор ?
Our experts will craft the perfect itinerary tailored to you.